ജനസേവകന്‍

തിരസ്കരിച്ചതിനാഴതിലെത്തിനോ-

ക്കിയിട്ടെന്നോ ത്രിസന്ധ്യയില്‍

നിലവിളക്കെരിയുന്നു, ആളുന്നു, പുക നീറുന്നു...

മാറാത്ത മാറ്റത്തിനുള്ളം കൈ പിടിച്ചു.

ഇല്ല. ഇതൊന്നു,മല്ലൊക്കെയും

നേടിയതൊറ്റാക്കു  ഞാന്‍....

ഒരമ്മ കരഞ്ഞിരുന്നൊരിക്കലാ

ജപ മുറിയില്‍, വ്രതം നോറ്റ്,

ജലപാനമില്ലാതെ.

അറിയാത്തപോലെ നടിച്ച- 

തല്ലെ,ന്നവനാണയിട്ടാലു,മവനറിയാം.

മാറില്ല,  ഞാനെന്നവന്‍ വീണ്ടും

മനസ്സിനോട്, മനസ്സിനോടു തന്നെ...

വിചിന്തനം -  വിചിന്തനം രണ്ടായ്‌ പിളര്‍ത്തി- 

യോരോരുത്തരു,മൊറ്റക്കായി.

ജപമുറിയിലെ കെടാവിളക്കണഞ്ഞു.

കണ്ണുനീര്‍ വറ്റി, അവനുമൊറ്റപ്പെട്ടു 

കാലമവനെ കല്ലെറിഞ്ഞു,

കൈക്കൂലിക്കാരനെന്നു മുദ്രകുത്തി.

ജപ മുറിയിലൊരമ്മ കരഞ്ഞിരുന്നു,

വ്രതം നോറ്റ്, ജലപാനമില്ലാതെ.

നേടിയെടുതത്തെല്ലാ-

മൊറ്റക്കെന്നവന്‍, വീണ്ടും...